1. Langs die heuweltoppe kom daar, blye, skone môregloed.
Vra my siel verbaas, eerbiedig, wat dit tog beteken moet?
Dis die Heiland, dis die Heiland - bring Hom nou jou welkomsgroet!

2. O my langverwagte Heiland,
op U bly my oog gerig!
Donker word my weg en treurig as vir my verdwyn u lig.
O my Heiland, o my Heiland, lei my in u godd'lik lig!

3. Lank het ek verkeer in duister,
ver weg van u sonneskyn;
wanneer smaak ek weer, o Heiland, vreugd' in plaas van bange pyn?
O my Heiland, o my Heiland, maak my waaksaam, hou my rein.

4. Volle redding nader spoedig,
volle lig kom digter by;
hou my needrig, wagtend, biddend, stort u troos en hoop in my!
O my Heiland, o my Heiland, bring my digter aan u sy!

5. Met my lamp gevul en helder, oog nie meer deur stof verblind! Wag ek op u weerkoms, Heiland, waar ek saligheid in vind!
Kom my Heiland, kom my Heiland - Koning, Redder, Broeder, Vriend!